Log in
Լրահոս

Խնդիրը լուծվեց առանց քաղաքական ուժերի

Ինչպես հիշում ենք շրջանառության հարկի մասին նոր օրենքի շուրջ բարձրացրած մեծ աղմուկից հետո, կառավարությունը, լսելով շահագրգիռ կողմերին, խոստացել էր օրենքում կատարել որոշակի փոփոխություններ:

Այսպիսով, կառավարությունը օրենքում փոփոխությունն կատարելու նախագծերի փաթեթը նախաձեռնության կարգով ներկայացրել է ՀՀ ազգային ժողով: 

Մասնավորապես ԱԺ պատգամավորները առաջարկում էին շրջանառության հարկ վճարող համարվելու շեմը 58.35 մլն դրամից բարձրացվել է 100 մլն դրամ: Կառավարությունը, սակայն եզրակացրել է, առաջարկվող 100մլն դրամ շեմ սահմանելու փոխարեն սահմանել 113.4 մլն դրամ: 
Բացի այդ ներդրվել է ձեռքբերումները փաստաթղթերով հիմնավորելու կամավորության սկզբունքը:

Գործադիրը ներդրել է նաև խրախուսման մեխանիզմ: Մասնավորապես, բոլոր այն ՓՄՁ ներկայացուցիչները, ովքեր կփասթաթղթավորեն իրենց առևտուրը, որպես խրախուսանք, կվճարեն առավել ցածր հարկ:

Օրենքում փոփխությունները կատարված են, սակայն պետք է փաստենք, որ այն մեծ արձագանք չունեցավ, ինչպես ՓՄՁ ներկայացուցիչների, այնպես էլ հանրության կողմից : Իսկ այսօր արդեն հարց է առաջանում ` մինչև փոփոխություններն ո՞վ էր կանգնած առևտրականների հետևում և ո՞վ էր փորձում պղտոր ջրում ձուկ որսալ:

Պատճառը պարզից էլ պարզ է, առևտրականներին հրահրողները որոշակի քաղաքական ուժերն ու տոնավաճառների սեփականատերերն էին, ովքեր ՓՄՁ նորկայացուցիչների խնդիրների հիման վրա փորձում էին «քաղել» որոշակի միավորներ: 
Միևնույն է, քաղաքացիներն առանց որևէ ուժի աջակցության, կառավարության հետ երկխոսությունների արդյունքում, կարողացան հասնել որոշակի հարցերի լուծմանը:

Սա ևս մեկ անգամ ցույց տվեց, որ շատ ժամանակ քաղաքացին մնում է իր խնդրի հետ դեմ հանդիման: Այստեղ հարց է առաջանում թե ինչի՞ համար են առհասարակ բոլոր քաղաքական ուժերը, եթե քաղաքացու խնդրի լուծման «ենթատեքստում» մշտապես դնում են նեղ անձական խնդիրների լուծման գաղափարը:

 

 

 

https://www.facebook.com/permalink.php?story_fbid=416000511912010&id=100005061945890

10°C

ՍՏԵՓԱՆԱԿԵՐՏ

Mostly Cloudy

Humidity: 80%

Wind: 3.22 km/h

  • 24 Mar 2016 19°C 9°C
  • 25 Mar 2016 23°C 8°C